КӨКШЕТАУ. ҚазАқпарат – Көкшетаудағы М.Ғабдуллин атындағы №3 мамандандырылған гимназия асханасынан түтін шығып, 160 адам эвакуацияланды. Оның 140-ы оқушы, дейді ҚазАқпарат тілшісі.
Көкшетау қалалық білім бөлімінің мәліметінше, төтенше жағдай бүгін ақпанның 10-да кешкі сағат 19:14-те болған.
«Көкшетаудағы М.Ғабдуллин атындағы №3 мамандандырылған гимназия асханасында электр пешке қойылған тамақ күйіп, түтін шықты. Осының салдарынан гимназияда болған 160 адам (оның 140-ы оқушы) эвакуацияланды. Зардап шеккендер жоқ. Гимназия қызметкерлері жедел әрекет етіп, тиісті органдарды шақыртты», - дейді Көкшетау қалалық білім бөліміндегілер.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.