КӨКШЕТАУ. ҚазАқпарат - Дүлей дауыл Көкшетауда тұрғын үйдің шатырын жұлып әкетті, деп хабарлайды ҚазАқпарат тілшісі.
Әлеуметтік желіде тараған видеоның авторының сөзінше, қатты жел Әуелбеков көшесі 166 үйдің шатырын жұлып құлатқанын байқауға болады.
«Сағат 17:00 жағдай бойынша, жел қаланың бірқатар аудандарында тұрғын үйлердің шатырын жұлып әкетіп, аялдамаларды құлатқан. Осыған байланысты, өздеріңіздің қауіпсіздіктеріңіз үшін үйден шықпауларыңызды сұраймыз», - делінген қала әкімдігінің инстаграмдағы парақшасында .
Сонымен қатар, желдің салдарынан қаланың кейбір аудандарында электр жарығы өшіп қалған. Дауылдан зардап шеккендер жоқ.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.