КӨКШЕТАУ. ҚазАқпарат - Көкшетауда екі топқа бөлініп төбелескен жастардың үстінен ҚР ҚК 293-бабының 3-бөлігі бойынша іс қозғалды, деп хабарлайды ҚазАқпарат тілшісі облыстық ПД баспасөз қызметіне сілтеме жасап.
Ведомствоның мәліметінше, 6 маусымда облыс орталығындағы «Шафран» дәмханасында сөзге келіп қалған жастар көшеге шығып, екіге бөлініп төбелескен .
«Осы оқиға негізінде Көкшетау қалалық полициясы кінәлілерге қатысты ҚР ҚК 293-бабының 3-бөлігі (бұзақылық) бойынша іс қозғады. Күдіктілердің үшеуі уақытша ұстау изоляторына қамалды, тағы екеуін ұстау үшін жұмыс жүріп жатыр» дейді ведомстводан.
ПД қызметкерлері атап өткендей, бұл әрекет үшін 3 жылдан 7 жылға дейін жауапкершілік қарастырылған.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.