Көкшетауда екінші ауысымдағы 1-9 сынып оқушылары онлайн оқиды

Көкшетау мектептерінде екінші ауысымдағы 1-9 сынып оқушылары онлайн оқитын болды, деп хабарлайды Kazinform. 

«Ауа температурасының минус 26 градусқа төмендеуіне байланысты 11 қаңтарда Көкшетау қаласы мектептерінің екінші ауысымдағы 1-9 сынып оқушылары қашықтан оқыту форматына ауыстырылды», - делінген қалалық білім бөлімінің хабарламасында.

Айта кетсек, бұдан бұрын Көкшетауда бірінші ауысымдағы бастауыш сынып оқушылары үйден оқитынын жазған едік.