Қолына сәбиін құшақтап, есірткі сатумен айналысқан елорданың 26 жастағы тұрғыны Ақмола облысының есірткімен күрес полицейлерінің назарына түсті. Ол өзінің «жұмысына» осылай артық назар аудармауды көздеген.
Полицейлердің мәліметінше, күдікті бір ай бұрын «әріптестерімен» бірге Астана қаласынан Көкшетауға жасырып сату арқылы синтетикалық есірткі тарату үшін келген. 2 қарашада облыстық ПД Есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу кезінде есірткі қойып кетушіні ұстады.
Операция барысында әйел көлік басқарып келе жатқан. Автокөлік салонында екі айлық бала болды, ал оның қасынан қара түсті лентамен оралған шар тәрізді түйіншек табылды. Оның ішінде қара түсті лентамен оралған ақ түсті ұнтақ консистенциялы заттың 30 «ziplok» пакеті табылып, тәркіленді (салмағы шамамен 30 грамм болатын психотроптық мефедрон заты).
Сол күні полицейлер оның сыбайластарын да ұстады. Көкшетаудағы қонақ үйлердің бірінде 35 жастағы ер адам қолға түсті. Ол ұсталған әйелмен бірге тұратын және баланың әкесі болып шықты. Тінту барысында одан сары түсті оқшаулағыш лентамен оралған ақ түсті ұнтақ тәрізді консистенциялы заттың бір «ziplok» пакеті анықталып, тәркіленді.
Азаматтық ерлі-зайыптылар тұратын жалдамалы пәтерде есірткі ораумен айналысқан олардың «әріптесі» ұсталды. Ол Астана қаласының 28 жастағы тұрғыны екені анықталды. Пәтерде жедел қызметкерлер ақ түсті ұнтақ консистенциясы бар 99 «ziplok» пакетін тапты (салмағы шамамен 50 грамм), олардың кейбіреулері сары түсті оқшаулағыш лентамен оралған.
Сондай-ақ электронды таразылар мен синтетикалық есірткіні қолдануға арналған құрылғылар тәркіленді. Осы фактілерге сәйкес ҚР ҚК 296-бабы 4-бөлігі (Аса ірі мөлшерде есірткі құралдарын заңсыз сақтау) және 2-бөлігі (Есірткі құралдарын шағын мөлшерде заңсыз сақтау) бойынша сотқа дейінгі іс жүргізу басталды. Сараптама тағайындалды.
Фото: polisia.kz