Сот анықтағандай, аталған азаматтар алкогольдік және есірткілік масаң күйде автокөлік құралдарын басқарып, Қазақстан Республикасының Жол қозғалысы қағидаларының 2-бөлімі 4-тармағының 2-тармақшасының талаптарын бұзып, осы іс-әрекеттерімен жол қозғалысына қауіп төндірген.
Көкшетау қаласының мамандандырылған әкімшілік сотының қаулыларымен 158 құқық бұзушы Әкімшілік құқық бұзушылық туралы Қазақстан Республикасы Кодексінің 608-бабында көрсетілген (жүргізушінің көлік құралын алкогольдік, есірткілік және (немесе) масаң күйде басқаруы) әкімшілік құқық бұзушылықты жасағандары үшін кінәлі деп танылып, 24 адам әкімшілік қамауға алынды, 134 адам 3 жылдан 6 жылға дейін мерзімге көлік құралдарын жүргізу құқығынан айырылды.