Ұйымдастырушылардың айтуынша, «Жақсылық жаса» қайырымдылық акциясы 4 жастағы Даниял Айғожа жəне 5 жасар Дастан Нығметжановты емдетуге ақша жинау үшін ұйымдастырылды. Оған Қазақстан халқының Ақмола ассамблеясы жанындағы Аналар кеңесі ұйытқы болды.
«Қайырымдылық акциясына жүрегі жомарт, қайырымды жандар қатысты»-, деп атап өтті Ақмола ассамблеясы жанындағы Аналар кеңесінің төрайымы Зере Қиықова.
Қатысушылардың арасында Ақмола облысындағы этномəдени бірлестіктердің, бизнес құрылымдардың өкілдері жəне 9 ұлттан 39 бала тəрбиелеп отырған «Аяла» ҚБ төрағасы Серік Əкімбаев болды.
Акцияда жиналған қаражат екі баланың анасына тең бөлініп берілді.