Көкшетауда салынып жатқан жаңа мешіт тамыз айында ашылады
Брифинг барысында облыстың бас имамы Қанат Қоянбекұлы Рамазан айы қарсаңында атқарылып жатқан жұмыстарға тоқталып, ораза ұстаудың тәртіптері жөнінде толық ақпарат береді. Сондай-ақ, Рамазан айының қасиеті, Ораза ұстаудың артықшылықтары мен хикметтеріне тоқталды. Оның айтуынша, биылғы пітір садақа мөлшері - 200 теңге шамасында.
«Пітір садақаны Рамазан айының басынан айт намазына дейін беруге болады. Шілденің 13-нен 14-не қараған түні Қадір түні. 17-ші шілде күні Ораза айт мейрамы басталады», - дейді Қанат Қыдырмин.
Сондай-ақ, барша мұсылман жамағатын алаңдатып отырған жаңа мешіт құрылысы да сөз болды. Бас имам өз сөзінде: «Жаңа мешіт Алла жазса тамыз айында ашылады деп жоспарлаудамыз. Мешіт Науан Хазірет бабамыздың атымен аталатын болады. Қазіргі облыстық мешіт өз жұмысын жалғастыра береді. Биылғы Қасиетті Рамазан айы барлығымызға жақсылық әкелсін», - деді ол.