Көкшетауда тарихи-мәдени мұраларды сақтау мәселесіне арналған отырыс өтеді
Дөңгелек үстел барысында осыған дейін атқарылған ғылыми-зерттеу жұмыстарының нәтижелері мен Ақмола облысындағы тарихи-мәдени мұралар төңірегіндегі өзекті мәселелер талықыланады.
Онда Ақмола облысы мәдениет басқармасының бастығ Сәуле Бөрібаева Ақмола облысының тарихи-мәдени мұра саласындағы жетістіктері мен перспективаларына қатысты, Тарихи-мәдени мұраны қорғау және пайдалану орталығының директоры Талғат ЫБЫРАЕВ Ақмола облысының тарихи-мәдени мұрасын сақтау мен пайдалану бойынша өзекті мәселелеріне қатысты, ҚР Ұлттық музейі жанындағы «Халық қазынасы» ғылыми-зерттеу институты Тарихи-мәдени мұра нысандарына мониторинг және сараптама жүргізу бөлімінің жетекшісі, PhD-доктор Айбар Қасенәлі 2016 жылы өзара ынтымақтастық негізінде атқарылған жұмыстардың нәтижелері туралы, ҚР Ұлттық музейі жанындағы «Халық қазынасы» ғылыми-зерттеу институты Тарихи-мәдени мұра нысандарына мониторинг және сараптама жүргізу бөлімінің ғылыми қызметкері Қалибек Асылбеков ГАЖ технологиясының тарихи-мәдени нысандарды сақтау ісіндегі орны, Облыстық тарихи-өлкетану музейі директорының орынбасары Алма Құнанбаева Ақмола облысының археологиялық ескерткіштерін сақтау мәселелеріне байланысты баяндама жасайды.
Ақмола облысының мәдениет басқармасы Тарихи-мәдени мұраны қорғау және пайдалану орталығы мен Қазақстан Республикасы Ұлттық музейінің арасында Ынтымақтастық туралы меморандум жасалған болатын. Аталмыш меморандум негізінде 2016 жылғы көктем-жаз айларында Ақмола облысында тарихи-мәдени мұра нысандарын сақтау, қорғау мен зерттеу саласында бірқатар іс-шаралар атқарылды.
Дөңгелек үстел алдында «Көне дәуір құпиялары» атты көрме және БАҚ өкілдеріне арнайы пресс-конференция ұйымдастырылады.
Шара 2016 жылдың 16 қарашасы күні сағат 10.00-де басталады.