КӨКШЕТАУ. ҚазАқпарат – Көкшетауда полицияға Тайландтан келгенін және ол жерде Ухань тұрғындарымен кездескенін айтқан мас әйел ұсталды. Бұл туралы ҚазАқпарат тілшісі Ақмола облыстық ПД баспасөз қыметіне сілтеме жасап хабарлайды.
«17 наурызда жедел жәрдемге қоңырау соққан әйел жақында Тайландта демалыста болғанын, онда Қытайдың Ухань қаласының тұрғындарымен кездескенін айтқан. Әйелді тексеру кезінде одан коронавирус инфекциясының белгілері табылмады. Ол телефон соққан кезде масаң күйде болған», - деді полиция департаменті.
Сондай-ақ, 31 жастағы әйелдің Қазақстан Республикасы аумағынан ешқайда шықпағаны да анықтады.
Айта кетсек, полиция төтенше жағдай кезінде тәртіп бұзғандар ҚР ҚК 54-бабы 1-бөлігі бойынша жауапқа тартылатынын ескертеді.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.