КӨКШЕТАУ. ҚазАқпарат - Көкшетауда жүк пойызының вагоны рельстен шығып кетті, деп хабарлайды ҚазАқпарат тілшісі Ақмола облысы әкімінің баспасөз қызметіне сілтеме жасап.
Әкімдіктің мәліметінше, теміржол апаты бүгін 19 сәуір таңертең сағат 11:00-де болған.
«Жүк пойызының құрамын орнынын ауыстыру кезінде теміржолдың қиғаш тұсында 66 вагоннан тұратын құрам рельстен шығып кетті. Зардап шеккендер мен мерт болғандар жоқ. Қазіргі кезде оқиғаның мәнжайы анықталу үстінде», - деп түсіндірді әкімдіктің баспасөз қызметіндегілер.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.