КӨКШЕТАУ. ҚазАқпарат - Көкшетау қаласында Абылайхан даңғылындағы 20-үйдің жертөлесінен өрт шығып, 22 адам эвакуацияланды, деп хабарлайды ҚазАқпарат тілшісі Ақмола облыстық ТЖД баспасөз қызметіне сілтеме жасап.
«Бүгін таңғы сағат 08:14 шамасында Ақмола облыстық ТЖД «ӨС және АҚЖҚ» ММ кезекшілік бөліміне Абылайхан даңғылы, 20 мекенжайында орналасқан тұрғын үйдің жертөлесінен өрт шыққаны туралы хабарланды. Айтылған мекенжайға өрт сөндіру қызметкерлері мен арнайы техника тартылды», - деп атап өтті Көкшетау қаласы ТЖБ бастығы Әсет Жақсылықов.
Ведомствоның мәліметінше, өрттен 22 адам (оның төртеуі - бала) эвакуацияланды. Олардың арасында зардап шеккендер жоқ. Қазіргі кезде өрттің шығу себептері анықталып жатыр.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.