КӨКШЕТАУ. ҚазАқпарат - Көкшетауда жолдың рұқсат етілмеген тұсынан өтпек болған әйел көлік астына түсіп, мерт болды, деп хабарлайды ҚазАқпарат тілшісі облыстық ПД баспасөз қызметіне сілтеме жасап.
Ведомствоның мәліметінше, жол-көлік оқиғасы 2 қазан таңғы сағат 06:35 шамасында болған. «Mercedes Benz» көлігінің 45 жастағы жүргізушісі Әуезов көшесінің Тәшенов көшесімен қилысынан 25 метр жерінен, яғни рұқсат етілмеген тұсынан өтпек болған әйелді қағып кетті. 49 жастағы әйел алған дене жарақатынан сол жерде оқиға орнында көз жұмды. Көлік жүргізуші сау болды.
«Қазіргі кезде Қылмыстық кодекстің 345-бабының 3 бөлігі бойынша тергеу амалдарды жүргізілуде», - деді ведомстводан.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.