КӨКШЕТАУ. ҚазАқпарат - Ақмола облысының полицейлері Көкшетауда 25 жастағы жүкті келіншектің көз жұмуына байланысты қылмыстық іс қозғады, деп хабарлайды ҚазАқпарат тілшісі ІІД баспасөз қызметіне сілтеме жасап.
Ведомствоның мəліметіне қарағанда, 6 тамызда Краснояр кентінің тұрғыны 25 жастағы келіншек перинаталды орталықта көз жұмған.
«Перинаталды орталықта Краснояр кентінің 1993 жылы туған тұрғынының көз жұму оқиғасына байланысты ҚР ҚК 317-бабының 3-бөлігі (Медицина немесе фармацевтика қызметкерлерінің кәсiптік мiндеттерiн тиiсiнше орындамауы) бойынша іс қозғалып, сот алды тергеу амалдары жүргізілуде», - деп түсіндірді ІІД баспасөз қызметіндегілер.
Сонымен қатар, осы оқиғаға байланысты сот-медициналық сараптамалар тағайындалды.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.