Ведомствоның мәліметінше, Үндістанның Нью-Дели қаласында ерлер арасында велотректен Азия кубогы өтті. Ұлттық құрама сапында болған № 7 облыстық мамандандырылған балалар-жасөспірімдер олимпиадалық резерв мектебінің тәрбиеленушісі Андрей Чугай «Кейрин» әдісі бойынша екінші орын алса, «Спринт» әдісі бойынша құрлық чемпионы атанды.
Жаттықтырушысы Иван Гринбергтің айтуынша, Андрей «халықаралық дәрежедегі спорт шебері» атағына ие болған.
«Қазіргі кезде Андрей ұлттық құрама сапында Әлем кубогының кезеңдік жарысына дайындалу үстінде. Онда спортшылар Олимпиадаға іріктеуден өтеді», - деп түсіндірді И. Гринберг.