«Жалпы, су қоймаларында 12,5 млрд текше метр су жиналды. Қазір бізде үлкен 87 су қоймасы бар. Олардың бәрі 90 пайыздан астамға толып тұр. Ауыл шаруашылығына, өндіріске пайдаланылады. Мұнан бөлек, Каспий теңізіне 5 млрд текше метрден астам, Балқаш көліне 3 млрд текше метрден астам су жібердік. Сол сияқты Қызылорда облысындағы Тереңкөл өзеніне 1 млрд текше метр, Павлодар облысында лимандарға 6,7 млрд текше метр су жібердік. Жалпы есептегенде 18 млрд текше метр суды пайдаланып, 12,5 млрд текше метр су жинадық», - деді министр Парламент палаталарының отырысынан кейін.
Еске сала кетейік, бұған дейін Су ресурстары және ирригация министрі тәлімдік жерлерде құрғақшылық болуы мүмкін екенін айтқан болатын.