Көктөбеде референдумға дейінгі уақытты көрсететін жарық инсталляциясы орнатылды

АЛМАТЫ. KAZINFORM – Алматыдағы Көктөбе телемұнарасында жаңа жарық инсталляциясы пайда болды. 

Телемұнарада орнатылған арнайы таймерде маңызды оқиғаға дейін қанша уақыт қалғаны көрсетіліп тұрады. 

Фото: Алматы өңірлік коммуникациялар қызметі

Кешкі және түнгі уақытта мұнарада жарқын тақырыптық жарық шамдары қосылады: мемлекеттік рәміздер, ұлттық ою-өрнектер, референдум өтетін күн – 15 наурыз, сондай-ақ қалған күндер саны бейнеленген.

Қазақстанның жаңа Конституциясын қабылдау жөніндегі жалпыұлттық референдум 2026 жылғы 15 наурызда өтеді. Оған дейін 24 күн қалды. 

Еске сала кетейік, бұған дейін Астанада Қазақстанның жаңа Конституциясын қабылдау жөніндегі республикалық референдумға кері санақ басталғанын хабарлағанбыз.