17:04, 13 Тамыз 2019

Көктөбедегі өрттен кейін Алматыда ауа ластанды

АЛМАТЫ. ҚазАқпарат –Алматыдағы Көктөбе шатқалындағы құрғақ шөптің өртенуіне байланысты, «Казгидромет» РМК қызметкерлері жану көзіне жақын орналасқан аудандардағы 3 нүктеден атмосфералық ауаның сынамасын алды, деп хабарлайды ҚазАқпарат тілшісі «Казгидромет» РМК-ға сілтеме жасап.

- №1 нүкте Оңдасынов 29,

- № 2 нүкте Омаров 2а,

- № 3 нүкте Диваев 35,

Іріктелген ауа сынамаларында Медеу ауданының №1 (Оңдасынов 29) нүктесінде азот диоксиді бойынша шекті жол берілген шоғырланудан 1,2 ШЖК асып түсуі тіркелді.

Бұл асып кету елеусіз, жоғары ластану 10 ШЖК-дан асқан кезде болады. 20 ШЖК-дан асса экстремалды жоғары ластану болып тіркеледі.

Жалпы, Алматы қаласы бойынша жоғары және экстремалды жоғары ластану жағдайлары тіркелген жоқ.

11-12 тамыз аралығында Алматы қаласында құрғақ оңтүстік циклонның ықпалында болды және 2-7 м/с әлсіз желмен аз бұлтты ыстық ауа райы сақталды, бұл ауадағы ластаушы заттардың жиналуына ықпал етуі мүмкін.

Алматы Экология

Алма Мұқанова

Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.