Ұлттық парктің мәліметінше, елімізде шамамен 140-180 қар барысы қалған.
«Сирек кездесетін жануар 1978 жылы Қазақстанның Қызыл кітабына енгізілген. Қызыл кітапқа енген жануарларды заңсыз аулаған жағдайда, мүлкі тәркіленіп, 10 жылға дейін бас бостандығынан айыру жазасы қарастырылған», - делінеді ұлттық парктің хабарламасында.
Еске салсақ, 2021 жылы «Көлсай көлдері» ұлттық табиғи паркі ЮНЕСКО-ның дүниежүзілік биосфералық резерваттар желісіне қосылған болатын. Мұндай шешім ЮНЕСКО бағдарламасының «Адам және биосфера» халықаралық үйлестіру кеңесінің 33-сессиясында қабылданған еді.
Сондай-ақ, «Көлсай көлдері» ұлттық паркіне баратын жол салынып, бөгет тұрғызылатыны туралы хабарлағанбыз.