Қонаев қаласындағы көшеге Сағадат Нұрмағамбетовтің есімі берілді
ҚОНАЕВ. KAZINFORM - Қонаевтағы Фрунзе көшесіне Кеңес Одағының батыры, Қазақстан Республикасының тұңғыш қорғаныс министрі, «Халық қаһарманы», Алматы, Астана, Донецк (Украина) қалаларының, Ақмола облысының, Ақкөл ауданының құрметті азаматы Сағадат Нұрмағамбетовтің есімі берілді.
Фото: Қонаев әкімдігі
Тарихи тұлғаның есімі қала көшесіне берілуіне байланысты Қонаевта салтанатты іс-шара өтті. Оған әскери қызметкерлер мен қала әкімінің орынбасары Төлеген Кенжебеков қатысты.
Фото: Қонаев әкімдігі
Бұған дейін Центральная көшесіне Бердібек Соқпақбаевтың есімі берілген болатын.
Сондай-ақ Қонаевтағы «Жеңіс» паркінде тәжік-ауған шекарасында, Қарабақ пен Ирак Республикасында ұрыс қимылдарына қатысушы сарбаздардың құрметіне мемориалды тас ашылды.
Фото: Қонаев әкімдігі
Еске салайық, бұған дейін Қонаев қаласында еңбек адамдарына арналған муралдар пайда болғанын жазған едік.
Әл-Фараби атындағы ҚазҰУ журналистика факультетінің түлегі. Еңбек жолын «Алматы ақшамы» газетінде бастады. «Kazinform» халықаралық агенттігінің Алматы қаласындағы меншікті тілшісі. Қазақстан Журналистер одағының мүшесі.