АСТАНА. ҚазАқпарат - Бүгін қазақстандық «Ордабасы» UEFA Конференция лигасы екінші іріктеу сатысындағы алғашқы ойынын өткізді, деп хабарлайды ҚазАқпарат тілшісі.
Шымкенттік «Ордабасы» өз алаңында Польшаның «Легия» командасын қабылдады.
Ойынның 13-минутында Всеволод Садовский есеп ашса, 48-минутында Мамаду Мбодж 48-минутта есепті үстемелей түсті.
Оған польшалық клуб екі голмен жауап қайырды.
Осылайша командалар 2:2 есебіне қанағат білдірді.
Енді елорда уақытымен 22:50-де «Торпедо Кутаиси» (Грузия) мен «Ақтөбе» кездесулері «Qazsport» телеарнасынан тікелей эфирде көрсетіледі.
Сондай-ақ, 23:20-де жанкүйерлер «Qazaqstan» телеарнасынан «Базель» (Швейцария) мен «Тобыл» кездесуін тамашалай алады.
Еске салсақ, бұған дейін Чемпиондар лигасы екінші іріктеу сатысында «Астана» хорватиялық «Динамодан» ойсырай жеңілген еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.