АСТАНА. ҚазАқпарат - Бүгін футболдан UEFA Конференция лигасы екінші іріктеу сатысында «Тобыл», «Ақтөбе», «Ордабасы» қарымта ойындарын өткізеді, деп хабарлайды ҚазАқпарат тілшісі.
Алдымен елорда уақытымен 20:00-де қостанайлық «Тобыл» өз алаңында Швейцарияның «Базель» клубын қабылдайды.
Алғашқы кездесуде қостанайлық клуб қарсыласынан 3:1 есебімен басым түсті.
Ал 22.00-де «Ақтөбе» өз алаңында Грузияның «Торпедо Кутаиси» клубымен кездеседі.
Бірінші ойында ақтөбелік клуб 4:1 есебімен басым түскен еді.
Сондай-ақ, 00.50-де шымкенттік «Ордабасы» Польшада жергілікті «Легиямен» шеберлік байқасады.
Бірінші ойында командалар 2:2 есебіне қанағат білдірді.
Барлық кездесу «Qazsport» телеарнасынан тікелей эфирде көрсетіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.