АСТАНА. ҚазАқпарат - Футболдан UEFA Конференция лигасы бірінші іріктеу сатысында қостанайлық «Тобыл» өз алаңында Финляндияның «Хонка» командасымен кездесті, деп хабарлайды ҚазАқпарат тілшісі.
Кездесу барысында командалар тартысты ойын өткізді. Алаң иелері жылдам гол соғу мүмкіндігін іздеді. Десе де «Хонка» сапынан Лукас Кауфманн 39-минутта көздеген нысанадан мүлт кеткен жоқ.
Екінші кезеңде «Тобыл» таразы басын теңестіруге ұмтылды. Нәтижесінде Мильян Вукадинович 62, 75-минуттарда қос голдың авторы атанды.
Осылайша «Тобыл» қарсыласынан 2:1 есебімен басым түсті.
Екі команда арасындағы қарымта кездесу 20 шілдеге белгіленген.
Жеңімпаз ұжым екінші іріктеу сатысында Швейцарияның «Базель» командасымен шеберлік байқасады. Ойын 27 шілде және 3 тамыз күндері болады.
Ал шымкенттік «Ордабасы» мен «Ақтөбе» Конференция лигасын екінші іріктеу сатысынан бастайды. Ойындар
Еске салсақ, «Астана» Чемпиондар лигасында грузиялық «Динамомен» тең түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.