АСТАНА. KAZINFORM — Футболдан қазақстандық «Астана» және «Ордабасы» командаларының UEFA Конференция лигасы іріктеу кезеңіндегі ықтимал қарсыластары анықталды.
«Астана» футбол клубы жарысты УЕФА Конференция Лигасының екінші іріктеу кезеңінен бастайды. UEFA регламенті бойынша «Астана» еленген топқа түсті. Сондықтан елордалық клубқа бірінші кезеңнен өткен клубтардың біріқарсылас атануы ықтимал.
Ал «Ордабасы» футбол клубы алда өтетін УЕФА Конференция Лигасының бірінші іріктеу кезеңі бойынша еленген топқа түсті. Шымкенттік клуб Беларусьтің «Неман Гродно», Грузияның «Торпедо Кутаиси», «Петровац» (Черногория), «Пенибонт» (Уэльс) секілді клубтармен ойнауы әбден мүмкін.
Финал 2026 жылдың Германияның Лейпциг қаласындағы «Ред Булл Арена» стадионында өткізіледі. Жеңімпаз команда Еуропа лигасы топтық кезеңіне бірден жолдама алады.
Сондай-ақ биыл еліміздің атынан алматылық «Қайрат» Чемпиондар лигасында бақ сынаса, «Ақтөбе» Еуропа лигасы ел намысын қорғайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.