АСТАНА. KAZINFORM - Қазақстандық «Астана», «Ордабасы» және «Тобыл» командаларының футболдан Конференция лигасы үшінші іріктеу кезеңіндегі ықтимал қарсыластары анықталды.
«Ордабасы» аталған турнирдің екінші іріктеу кезеңінде 23 шілде мен 1 тамызда «Дифферданж-03» командасын жеңген жағдайда «Струга» (Македония) - «Пюник» (Армения) жұбының жеңімпазымен кездеседі.
Жарыс жолын Конференция лигасы екінші іріктеу кезеңінен бастаған «Астана» алдымен 25 шілде мен 1 тамыз күндері Молдованың «Милсами» клубымен шеберлік байқасады. Бұл кезеңнен өткен жағдайда олар үшінші іріктеу кезеңінде «Корвинул» (Румыния) - «Риека» (Хорватия) жұбының жеңімпазымен жасыл алаңға шығады.
Ал «Тобыл» аталған турнирдің екінші іріктеу кезеңінде 25 шілде мен 1 тамыз күндері швейцариялық «Санкт-Галлен» клубын қапы қалдырған жағдайда «Рига» (Латвия) - «Шленск» (Польша) клубының жеңімпазымен ойнайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.