АСТАНА. KAZINFORM - Шымкенттік «Ордабасы» футбол командасы UEFA Конференция лигасы бірінші іріктеу кезеңінде бүгін Грузияның «Торпедо» (Кутаиси) командасымен қарымта ойын өткізеді.
Кездесу қазақстандық уақытпен сағат 21:00-де басталып, «Qazsport» телеарнасынан тікелей эфирде көрсетіледі.
«Торпедо» командасы 1946 жылы құрылған. Грузияның Умаглеси лигасында 1999/00, 2000/01, 2001/02, 2017 жылдары чемпион атағына қол жеткізді. Былтыр өз елінде күміс жүлдегер атанды.
Алғашқы ойында грузиялық клуб 4:3 есебімен басым түскен еді.
Аталған команда еурокубок ойындарында қазақстандық клубтармен үш мәрте кездесті. Алдымен 2012 жылы Еуропа лигасы бірінші іріктеу кезеңінде «Ақтөбеге» (1:1, 0:1) жол берсе, одан кейін «Ордабасыға» (0:2, 0:1) қарсы тұра алған жоқ.
Ал 2023 жылы Конференция лигасында тағы да «Ақтөбеге» (1:4, 2:1) есе жіберіп қойды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.