Конькимен жүгіруден әлем кубогының екінші кезеңі: Қазақстан құрамасының тізімі анықталды

АСТАНА. KAZINFORM — 20-22 қараша күндері Жапонияның Обихиро қаласында конькимен жүгіруден әлем кубогының екінші кезеңі өтеді.

Фото: ҚР ҰОК

Алдағы жарыста Қазақстан намысын 15 спортшы қорғайды.

Ерлер: Нұралы Ақжол, Виталий Щиголев, Артур Галиев, Евгений Кошкин, Никита Важенин, Вадим Якубовский, Андрей Зуев.

Әйелдер: Алина Дауранова, Мария Деген, Арина Ильященко, Алина Шумекова, Инесса Шумекова, Кристина Шумекова, Кристина Силаева, Дарья Важенина.

ҚР ҰОК мәліметінше, Қытайдың Бейжің қаласында өткен әлем кубогының алғашқы кезеңінде Кристина Шумекова 1000 метр қашықтықта күміс медаль иеленген болатын.

Садақ атудан жастар арасындағы Азия чемпионатында ел намысын кімдер қорғайтынын жазған едік.