ОРАЛ. Тамыздың 29-ы. ҚазАқпарат /Ғайсағали Ералы/ - БҚО-ның Тасқала ауданы орталығында Конституция күніне орай «Талап» АҚ-ның жаңа дәріханасы ашылды,
деп хабарлайды ҚазАқпарат тілшісі.
Жаңа дәріхананың ашылуына орай көз дәрігері тегін қабылдап, көзілдіріктер таңдалды. Алғашқы клиенттерге сыйлықтар, дисконтты карталар табыс етілді. Мұнда дәрі-дәрмектер түрі мол.
Салтанатты рәсімде аудан әкімі Өтеміс Мырзағалиев, «Талап» АҚ президенті Владимир Волков ауыл тұрғындарын осынау қуанышты оқиғамен құттықтап, ізгі тілектерін білдірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).