Конституциялық комиссияның келесі отырысы 11 ақпанда өтеді

АСТАНА. KAZINFORM – Конституциялық реформа жөніндегі комиссияның төрайымы Эльвира Әзімова кезекті жиынды қорытындылап, келесі кездесудің уақытын айтты.

– Бүгінгі біздің отырысымыз қысқаша болса да, мазмұнды өтті. Сондықтан ертең тағы жиналатын боламыз. Осымен комиссияның 11-ші отырысы аяқталды. Келесі жиын 11 ақпан күні сағат 14:30-да өтеді, – деді ол.

Айта кетейік, 9 ақпан Конституциялық реформа жөніндегі комиссияға халықтан 5000-ға жуық ұсыныс түскенін хабарлаған едік.

Конституция жобасында қорытынды және өтпелі ережелер барынша нақты әрі жан-жақты айқындалуы тиіс. Бұл туралы Конституциялық реформалар жөніндегі комиссияның XI отырысында Мәжіліс депутаты Снежанна Имашева мәлімдеді.