Копенгаген әлемдегі ең бақытты қала деп танылды

АСТАНА. KAZINFORM – Бұл Лондондағы Өмір сапасы институты жасаған жаңа рейтинг нәтижесі. 

АЗЕРТАДЖ шетелдік БАҚ-қа сілтеме жасап хабарлағандай, үздік бестікте Цюрих (Швейцария), Сингапур, Орхус (Дания) және Антверпен (Бельгия) бар.

Сарапшылар қалаларды алты негізгі критерий бойынша бағалаған:

Жалпы әл-ауқат (білім беру, мемлекеттік қолдау, тұрғын үймен қамтамасыз ету);

Басқару (азаматтардың қатысуы, ашық деректерге қолжетімділік, электронды қызметтер);

Экология (жасыл аймақтар, ауаның сапасы, қалдықтарды өңдеу деңгейі);

Экономика (ЖІӨ, жұмыссыздық деңгейі);

Денсаулық (медициналық қызметтер, психикалық денсаулық, жұмыс пен жеке өмір арасындағы теңгерім);

Көлік жүйесі (тасымал сапасы, бағасы, жол-көлік оқиғаларының саны).

Әр қала осы критерийлер бойынша бағаланып, ұпай жинаған. Жиналған ұпайлар бойынша қалалар үш санатқа бөлінді: Golden Happiest, Silver, және Bronze. Жалпы рейтингке 200 қала енген.

Айта кетелік Қазақстандағы ең лас қалалардың антирейтингі жарияланған болатын.