Мамандар жерасты шуы мен тербелістің аталған үйдің конструкциясына қаншалықты әсер етіп жатқанын тексерді. Оның барысында тұрғындардың көрсеткен ақаулары үйдің шығыс жағында орналасқаны анықталды. Бұл, метрополитеннің техникалық зонасынан тыс орналасқан.
Сонымен қатар, метро сызығында орналасқан ғимараттардың көрсеткіші тексерілді.
«Бұл өлшемдер 1993 жылдан бері маркшейдерлік құжаттар реестрінде тіркеулі. Осы уақытқа дейін ауытқу тіркелмеді. Тұрғындардың шағымына келсек, бұл үйде шу мен дірілдің көрсеткіші де қалыпты», - деді «Метрополитен» МКК баспасөз қызметінен.