«Спортшылардың бұл жетістіктері команданың Қарулы Күштер қатарындағы армиялық қоян-қолтық ұрыс және өзге де іріктеу сындарынан сәтті өтіп, жақсы дайындықта екендігінің көрсеткіші. Бұл жолғы көрсеткіштер өткен жолғыдан әлдеқайда жоғары»,-делінген баспасөз мәліметтерінде.
Айта кетейік, қазақстандық спортшылар жалпыкомандалық есепте екінші орын алды. Тартысты өткен бәсекеде қазақстандық спортшылар 5 алтын, 6 күміс және 10 қола медальды жеңіп алды.
Сондай-ақ айта кететін мәселе, қоян-қолтық ұрыстан екі мәрте әлем чемпионы Сағым Қазыбек осы турнирде еңбегі сіңген спорт шебері нормативін орындады. Ал, ҚР Қарулы Күштерінің әскери қызметкері Е.Түсіпханов жарыс нәтижесі бойынша, чемпионаттың үздік төрешісі атанды.