Бұл туралы «ҚазАқпарат» тілшісіне Қазақстан Әскери сотының баспасөз қызметкері Амангелді Жұлқайнаров мәлім етті.
«Әскери соттың Ақмола облыстық гарнизонының төрағасы Дәулет Молдабаев Бағдат Әбдіқадырұлы Майкеевті тұтқындау мерзімін 2014 жылдың 9 сәуіріне дейін ұзартты», - деді А. Жұлқайнаров.
Айта кетейік, армияның бүкіл мемлекеттік сатып алуларына басшылық жасаған жоғары шенді әскери тұлға белгілі бір коммерциялық құрылымдардың мүдделеріне басымдық беру үшін пара алуға күдіктелуде.
Арнайы қызмет қызметкерлері генерал-майорды үйінің ауласында ұстаған. Майкеевте екі миллион доллар ақша болған - жедел қызмет орындарының мәліметтеріне қарағанда, бұл қаражат қорғаныс ведомcтвосының көптеген тендерлеріне қатысушы кәсіпкерлерден алынған пара тәрізді.
Сот генералды тұтқындауға санкция берді және қазір ол ҰҚК-нің тергеу абақтысына жабылды.
Соңғы жыл ішінде бұл - Қорғаныс министрлігіндегі осымен үшінші сыбайлас жемқорлық жанжал. Бұдан бұрын генералдар Алмаз Әсенов пен Асқар Бүлдешов түрмеге отырғызылған болатын. Олардың екеуіне де пара алғаны және қызмет өкілдіктерін асыра пайдаланғаны үшін ұзақ мерзімге үкім шығарылды.