Көркем гимнастика: Чехиядағы Гран-при турниріне елімізден кімдер қатысады
13:38, 12 Қыркүйек 2025
АСТАНА. KAZINFORM – Брно қаласында (Чехия) көркем гимнастикадан Гран-при сериясының кезеңі өтеді.
Халықаралық турнирде Қазақстан атынан Айбота Ертайқызы өнер көрсетеді.
Айта кетейік, жарыс 12-14 қыркүйек аралығында ұйымдастырылады.
Айбота Ертайқызы жақында Бразилияның Рио-де-Жанейро қаласында өткен әлем чемпионатына қатысқан болатын. Алайда ол финалға жолдама ала алмады.