АСТАНА. KAZINFORM - Сингапурде өтіп жатқан көркем гимнастикадан Азия чемпионатында Қазақстан құрамасы тағы бір алтын медальға қол жеткізді.
Құрлықтық додада қазақстандық гимнастшылар топтық жаттығуда бірінші орын алды. Олар финалда құрсау мен доппен жатығуда үздік көрсеткішке қол жеткізді.
Төрешілер шешімімен қазақстандық гимнастшылар 26,65 балға қол жеткізді. Екінші орындағы Өзбекстан - 25,15. Оңтүстік Корея - 24,25 балл жинады.
Айта кетсек, қазірге дейін Айбота Ертайқызы лентамен өнер көрсету сайысында чемпион атанса, жекелей сындағы көпсайыс қорытындысында ол төрт жаттығу бойынша қола медаль алған еді.
Сондай-ақ көркем гимнастикадан Қазақстан құрамасы көпсайыстан тұңғыш рет алтын медаль алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.