НҰР-СҰЛТАН. ҚазАқпарат - Халықаралық конькишілер қауымдастығы мәнерлеп сырғанаудан әлем чемпионатын коронавирустың таралу қаупіне байланысты кейінге шегерді, деп хабарлайды ҚазАқпарат тілшісі.
Негізгі жоспар бойынша мәнерлеп сырғанаудан әлем чемпионаты 16-22 наурыз күндері Монреальда (Канада) өтуі тиіс болатын. Алайда, бұл дода ISU шешімімен белгісіз мерзімге шегерілді.
Сондай-ақ, бүгін спорттық гимнастикадан Дохада (Катар) өтуі тиіс лицензиялық әлем кубогі кезеңі де кейінге шегерілгені белгілі болды. Аталған лицензиялық турнир 18-21 наурыз күндері Катар астанасында өтеді деп жоспарланған болатын.
Бұл дода коронавирус эпидемиясының таралуына байланысты 2020 жылдың 3-6 маусымына шегерілді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.