НҰР-СҰЛТАН. ҚазАқпарат – Коронавирусқа байланысты барлық теннис жарыстары жазға дейін тоқтатылды, деп хабарлайды ҚазАқпарат тілшісі.
Кәсіпқой теннисшілер қауымдастығы (АТР) мен Әйелдер теннис қауымдастығы (WTA) кез келген турнирдің 7 маусымға дейін өтпейтіні туралы бірлескен мәлімдеме жасады.
Осылайша Рим (Италия), Мадрид (Испания), Рабат (Марокко), Мюнхен (Германия), Эшторил (Португалия), Женева (Швейцария) және Лион (Франция) додалары биыл өтпейтін болды.
Соған байланысты теннисшілердің рейтингтері де осы кезеңде жаңартылмайды.
Еске сала кетейік, бұдан бұрын «Ролан Гаррос» турнирінің күзде өтетінін жазған болатынбыз.
Атақты испаниялық теннисші, әлемнің 2-ракеткасы Рафаэль Надаль «Ролан Гаррос» турнирінің өтпей қалғаннан гөрі қыркүйекке шегерілгенін қолдады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).