ОРАЛ. ҚазАқпарат – БҚО жұқпалы аурулар ауруханасында 124 адам коронавирустан емделуде, деп хабарлайды ҚазАқпарат тілшісі.
Облыстық денсаулық сақтау басқармасы мәлім еткеніндей, соның 8-і – балалар. Олардың бәрі де орташа ауыр халде.
«Соның ішінде екі жасар баланың беті бері қарады. Бұрын ол жасанды тыныс алу аппаратына қосылса, қазір өздігінен демалады. Тамағын ішеді», деп хабарлады басқарманың баспасөз қызметі.
Еске сала кетейік, бұдан бұрын БҚО-да коронавирус жұқтырған екі жасар бүлдіршіннің жағдайы өте ауыр екендігін, Қарашығанақ кенішінде карантин алынғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).