ОРАЛ. ҚазАқпарат – Батыс Қазақстан облысында коронавирус жұқтырған екі науқас та Ресейден келген болып шықты, деп хабарлайды ҚазАқпарат тілшісі.
БҚО-ның шұғыл штабы мәлім еткеніндей, бұлардың екеуі де – облыс тұрғындары.
Олар бұдан бұрын коронавирус анықталған науқаспен бірге Ресейден келген.
Зерттеу қорытындысымен COVID-19 диагнозы расталғаннан кейін екеуі де облыстық жұқпалы аурулар ауруханасына жатқызылды. Қазіргі таңда жағдайлары қанағаттанарлық.
Науқастармен қарым-қатынаста болған адамдар анықталып, барлығы медициналық бақылауға алынуда.
Ауру ошақтарында эпидзерттеу және дезинфекция жұмыстары жүргізілуде.
Осылайша БҚО-да сырқаттанғандар саны 20-ға жетті, олардың біреуі жазылып шықты.
Еске сала кетейік, БҚО-да коронавирус Ресейде жұмыс істеп келгендерден анықталғанын, Орал қаласында автобустар қатынасы тоқтатылатынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).