04:00, 15 Наурыз 2020

Коронавирус Италия мен Испанияда өршіп тұр

НҰР-СҰЛТАН. ҚазАқпарат - Бүгінде әлемнің 138 елінде 147 697 адамға коронавирус жұққан. Бұл туралы ҚР Денсаулық сақтау министрлігінің ресми сайтынан мәлім болды, деп хабарлайды ҚазАқпарат.

Коронавирустың ошағы саналған Қытайда вирустың таралуы айтарлықтай бәсеңдеп отыр. Бұл елде бір тәулікте 11 оқиға тіркелген. Жалпы, Қытайда 80 824 адам коронавирус жұқтырып, оның 3 189-ы қайтыс болды. Стационарларда 12 094 науқас ем алып жатса, 65541 адамның жазылғаны белгілі.

Ал әлемнің басқа елдерінде 66 873 (круиз лайнерін қоса алғанда) адам вирус жұқтырып, оның 2 239-ы қаза болды. Бұл ретте 1 «А» санатына жатқызылған Италиямен 1 «Б» санатындағы Испанияда коронавирус өршіп тұр.

Нақты айтар болсақ, Италияда бір тәулікте вирус жұқтырған 2 547 адам анықталды. Вирус жұқтырғандығы нақтылаған науқастар саны - 17 660 адам, қаза тапқандар 1 439. Испанияда 5 232 адам вирус жұқтырып, 133 адам қайтыс болды. Бір тәулік ішінде коронавирус жұқтырғанын расталған адамдар саны - 2 086.


Денсаулық Медицина ҚР Денсаулық сақтау министрлігі Үкімет Әлем
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.