НҰР-СҰЛТАН. ҚазАқпарат – Ресей футбол одағы елде барлық футбол жарыстарының тоқтатылғанын жария етті, деп хабарлайды ҚазАқпарат тілшісі.
Бүгін Мәскеуде Ресей футбол одағы атқару комитетінің бюро мәжілісінде осындай шешім қабылданды.
Ресей футбол одағының баспасөз қызметі мәлім еткеніндей, коронавирус жұқпасының таралу қаупіне байланысты барлық футбол додалары биылғы 17 наурыздан 10 сәуірге дейін тоқтатылды. Бұған Ресей футбол одағы, сондай-ақ лигалар, өңірлік футбол федерациялары мен олардың бірлестіктері ұйымдастырып, өткізіп жүрген жарыстар кіреді.
Айта кетейік, футболдан Ресей премьер-лигасында өнер көрсететін бірнеше клубта қазақстандықтардың ойнайтыны белгілі. «Ростовтың» намысын жартылай қорғаушы Бақтиер Зайнутдинов қорғаса, биыл «Орынборға» Қазақстан құрамасының тағы бір ойыншысы Исламбек Қуат ауысқан болатын. Ал Акмаль Бақтияров «Сочиде» жүр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).