НҰР-СҰЛТАН. ҚазАқпарат – Қазақстандықтар Алтын Шағаева мен Анастасия Панасович Болгария астанасы Софияда 20 жасқа дейінгілер арасында өтіп жатқан әлем чемпионатының күміс жүлдегері атанды, деп хабарлайды ҚазАқпарат тілшісі.
Финалға дейін сүрінбей жеткен Алтын Шағаева 53 келіге дейінгі салмақта үндістандық Антимге 0:8 есебімен есе жіберді.
А.Шағаева жартылай финалда мысырлық Атеф Мохамедті ұтқан болатын.
Батысқазақстандық Анастасия Панасович 72 келіге дейінгі салмақта жартылай финалда жапониялық Сумире Ниикуреден басым түсті. Әйтсе де финалда америкалық Амит Элорге жол берді.
Батыс Қазақстан облысының тағы бір өкілі Зейнеп Баянова қола жүлде үшін бәсекеде украиналық Олександра Хоменецке есе жіберді.
18 тамыз күні Мерей Базарбаев 57 келіге дейінгі салмақта күміс, Мәдина Аман (59 кг) қола жүлдеге ие болған еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).