ОРАЛ. ҚазАқпарат - Зеленов аудандық №2 соты осы айдағы екі апта ішінде Украина азаматтарына қатысты алты әкімшілік іске нүкте қойды, деп хабарлайды «ҚазАқпарат» тілшісі.
БҚО сотының баспасөз қызметінен түскен мәліметке қарағанда, шекара бекеті қызметкерлері құжаттарды тексеру барысында төрт ер және екі әйел адамның Қазақстан Республикасының ішкі істер органдарында белгіленген мерзімнен астам уақыт бойы тіркеусіз болып, көші-қон заңнамасын бұзғандығын анықтады. Оған қоса соңғы екеуінің келу визалары болмаған.
Сот аталған құқық бұзушыларға ҚР Әкімшілік құқықбұзушылық кодексі 517-бабы 2-бөлігіне сәйкес жалпы сомасы 142 944 теңге көлемінде әкімшілік айыппұл салды. Айыппұл толық төленіп, мемлекет пайдасына түсті.
Қаулы заңды күшіне енген жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).