АСТАНА. KAZINFORM- 5-ші Дүниежүзілік көшпенділер ойындары аясында қазақ күресінен өтіп жатқан сайыста қазақ қызы Зарина Сарипова ел қоржынына кезекті алтын жүлдені сыйлады.
Бұл – қазақ балуандарының қазақ күресінен жеңіп алған 9-шы алтын жүлдесі. Кеше отандастарымыз 8 алтын медальға қол жеткізгенін жазған болатынбыз.
Айта кетейік, қазақ күресі 5-ші Дүниежүзілік Көшпенділер ойындарындағы қатысушы ең көп тіркелген спорт түрі атанды. Екі күнге созылатын жарыстарға 41 елден келген 274 спортшы қатысып, 16 салмақ дәрежесінде медальдар жиынтығын сарапқа салып жатыр.
Жарыстар Жақсылық Үшкемпіров атындағы спорт кешенінде өтіп жатыр.
Айта кетейік, аударыспақтан Қазақстан қоржынына екі алтын, бір күміс медаль түсті.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.