Көшпенділер ойыны: Қазақстан тоғызқұмалақтан 5 медаль жеңіп алды
АСТАНА. KAZINFORM – V Дүниежүзілік көшпенділер ойындарының тоғызқұмалақ бәсекесі Астана қаласындағы «Думан» қонақ үйінде өз мәресіне жетті.
Үш күнге созылған бәсекеде, ұлттық құрама спортшылары жалпы 5 медаль еншіледі (3 алтын, 1 күміс, 1 қола).
Ерлер арасындағы жекелей сында қазақстандық Бексұлтан Бостандықов алтын, Ерсұлтан Әуелбай қола жүлде алды. Ал қырғызстандық тоғызқұмалақшылар күміс және қола медалды қанағат тұтты.
Әйелдер арасында ұлттық құрама спортшысы Мөлдір Серікқызы алтын, Аңсаған Қожанәсіп күміс жүлде еншіледі. Қырғызстан спортшылары 2 қола медаль иеленді. Сондай-ақ, ұлттық құрама жалпы есепте 30,5 ұпаймен командалық алтын жүлдені жеңіп алды. Екінші орында – Қырғызстан, үшінші орында – Ресей және Моңғолия.
Айта кетейік, тоғызқұмалақ жарысына әлемнің 41 елінен 114 спортшы қатысты.