АСТАНА. KAZINFORM- 5-ші Дүниежүзілік көшпенділер ойындары аясында қазақ күресінен «Қара бура» лақап атымен танылған Нұрдәулет Жарылғапов ел қоржынына кезекті алтын жүлдені сыйлады.
Аса ауыр салмақта сынға түскен отандасымыз финалда өзбекстандық қарсыласынан айласын асырып, 5-ші Дүниежүзілік көшпенділер ойындарының чемпионы атанды.
Естеріңізге сала кетейік, осыған дейін қазақ балуандары тағы 2 алтын, 1 күміс жүлде жеңіп алғанын жазған едік.
Айта кетейік, қазақ күресі 5-ші Дүниежүзілік көшпенділер ойындарындағы қатысушы ең көп тіркелген спорт түрі атанды. Екі күнге созылатын жарыстарға 41 елден келген 274 спортшы қатысып, 16 салмақ дәрежесінде медальдар жиынтығын сарапқа салып жатыр.
Жарыстар Жақсылық Үшкемпіров атындағы спорт кешенінде өтіп жатыр.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.