АСТАНА. KAZINFORM – 5-ші Дүниежүзілік көшпенділер ойындарының бағдарламасына енген спорт түрлерінің бірі татар халқының көне ұлттық белбеу күресі көрәштан қазақ балуандары 1 алтын, 2 күміс1 қола медаль иеленді.
Жақсылық Үшкемпіров атындағы жекпе-жек сарайында өткен додада көрәштен ерлер арасында төрт салмақ дәрежесі бойынша кіл мықтылар анықталды.
Атап айтсақ, Біржан Шаймерденов (90 келі) алтын жүлде алса, Әділет Шалғынбекұлы (64 келі) мен Нұрдәулет Жарылғапов ( 100 келі) күміс жүлдеге ие болды. Бекнұр Бектай (75 келі) қола жүлде алды.
Естеріңізге сала кетейік, кеше қазақ балуандары қырғыздың алыш күресінен 8 медаль жеңіп алғанын жазған болатынбыз.
Ал бдүгін теңге ілуден екі кезең өтті. Екеуінде де Қазақстан спортшыларының мерейі үстем болды.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.