Қостанай қаласының прокуроры тағайындалды

АСТАНА. KAZINFORM — Ермек Шуақпаев Қостанай қаласының прокуроры қызметіне ауысты, деп хабарлайды ведомствоның баспасөз қызметі.

— 2025 жылғы 18 тамызында Қазақстан Республикасының Бас Прокурорының бұйрығымен Қостанай қаласының прокуроры қызметіне әділеттің аға кеңесшісі Шуақпаев Ермек Булатұлы тағайындалды, — делінген Қостанай облысының прокуратурасы таратқан ақпаратта.

Шуақпаев Ермек Булатұлы 1980 жылы туған, Қостанай облысының тумасы, А.Байтұрсынов атындағы Қостанай мемлекеттік университетін бітірген.

Еңбек жолын 2002 жылы Алтынсарин ауданы прокуратурасының көмекшісі болып бастаған.

Әр жылдары прокуратура органдарында түрлі қызметтер атқарды, соның ішінде облыс прокурорының аға көмекшісі — Кадр жұмысы тобының жетекшісі (2010–2013 жж.), Жітіқара ауданының прокуроры (2013–2018 жж.), Лисаков қаласының прокуроры (2018–2024 жж.) болды.

Осы тағайындауға дейін Қарасу ауданының прокуратурасын басқарды.

Құқық қорғау органдарындағы жалпы еңбек өтілі — 23 жыл.

Бұдан бұрын Солтүстік Қазақстан облысының дене шынықтыру және спорт басқармасының жаңа басшысы тағайындалғанын жазған едік.