Бұл туралы ҚазАқпарат ҚР Президенті жанындағы Төтенше жағдайды қамтамасыз ету жөніндегі Мемлекетік комиссияның Жедел табына сілтеме жасап хабарлайды.
Төрт азаматтың екеуі — 1972 және 1993 жылы туған азаматтар өздеріне дейін вирусты жұқтырған адамдардың көршілері, қалған екеуі — 1975 және 1998 жылғы азаматтар бұған дейін коронавирусты жұқтырған адамдармен жақын қарым-қатынаста болған.
ПТР диагностикалық зерттеу қорытындысы бойынша 4 адамнан да COVID-19 диагнозы расталды. Қазіргі таңда науқастардың жағдайы қанағаттанарлық, денсаулығына шағымы жоқ. Аталған азаматтар оқшауланды және тиісті ем-дом қабылдап жатыр.
Олардың қатынасқан адамдарын анықтап, оқшаулау жұмыстары қолға алынған. Ауру ошақтарында зарарсыздандыру жұмыстары жүргізілді.
Қазіргі таңда Қостанай облысында коронавирус жұқтырған 19 адам бар.
https://www.coronavirus2020.kz/kz