Қостанай облысында тепловоз дала өртіне себеп болды
11:57, 26 Тамыз 2019
ҚОСТАНАЙ. ҚазАқпарат — Қостанай облысы Қарабалық ауданының Новотроицк ауылынан бес шақырым жерде өрт тұтанды, деп хабарлайды ҚазАпқарат тілшісі облыстық Төтенше жағдайлар департаментіне сілтеме жасап.
«Теміржолды жағалай өсіп тұрған 3 гектар жердегі ағаштар өртенген. Құрбан болғандар мен зардап шеккендер жоқ. Елді мекендерге де қауіп жоқ», - деп мәлім етті департаменттен.
Алдын ала деректерге қарағанда, өрттің тұтануына тепловоздан шыққан қалдықты газдың ұшқыны себеп болған.
Автор: Жанна Мұсабаева